Firefox vs. Brave

Ils parameters per la protecziun da datas da Firefox èn ferms e simpels d’utilisar. La bloccada da reclamas predefinida da Brave po rumper las websites che ti visitas, uschia che ti stos s’occupar era da quai. Nus vulain che las funcziuns per la protecziun da datas sajan uschè praticas che ti las utiliseschas era.

Firefox ta pussibilitescha da tscherner a moda simpla mintga giada che ti tschertgas, la maschina da tschertgar che ti vuls. Brave dovra normalmain sia maschina da tschertgar predefinida e ti stos modifitgar ils parameters dal navigatur per tscherner in’autra.

Firefox ta dat la pussaivladad da criptar tes pleds-clav memorisads e ti pos utilisar in pled-clav principal per acceder ad els; tes pleds-clav èn protegids perfin sche ti stos parter in computer. Brave na protegia betg tes pleds-clav cun in pled-clav principal.

Nus offrin era funcziuns simplas d’utilisar sco:

• Modifitgescha PDFs directamain en la fanestra da Firefox – i na dovra nagina software supplementara.
• Translatescha ina pagina web – local e privat.

La midada è simpla

Da midar a Firefox è simpel e svelt: importescha tes segnapaginas, tes pleds-clav, tia cronologia e tias preferenzas da Brave cun in clic e ti es immediat pront per utilisar Firefox. Qua vegns ti a savair co importar tias datas da Brave.