Firefox vs. Microsoft Edge

Firefox renda la protecziun da datas simpla e pratica. Uschia na stos ti far nagins quitads.

Nus bloccain fastizaders sco standard. Edge na fa betg quai.

Nus offrin era funcziuns simplas d’utilisar sco:

• Modifitgescha PDFs directamain en la fanestra da Firefox – i na dovra nagina software supplementara.
• Translatescha ina pagina web – local e privat.

E tar mintga tschertga ta dain nus la pussaivladad da tscherner a moda simpla la maschina da tschertgar che ti vuls utilisar. Edge ta fa svutrar en ils parameters sche ti na vuls betg duvrar Bing, ma in’autra maschina da tschertgar.

Microsoft sto cuntentar ses acziunaris, ma noss focus è tia cuntentezza e nus dain la prioritad a la protecziun da tias datas.

La midada è simpla

Da midar a Firefox è simpel e svelt: importescha tes segnapaginas, tes pleds-clav, tia cronologia e tias preferenzas dad Edge cun in clic e ti es immediat pront per utilisar Firefox. Qua vegns ti a savair co duvrar il buttun dad import per far la midada.