Firefox vs Opera
La configuraziun standard da Firefox per la protecziun da datas è pli severa che quella dad Opera – e nus avain dapli funcziuns per impedir che websites ta persequiteschian, p.ex. la bloccada dad improntas.
Firefox ha era utensils integrads sco:
- Modifitgescha PDFs directamain en la fanestra da Firefox – i na dovra nagina software supplementara.
- Translatescha ina pagina web – local e privat.
Firefox offrescha ina paletta vasta dad opziuns da persunalisaziun, inclusiv la pussaivladad da spustar menus e travs d’utensils en autras posiziuns da la fanestra dal navigatur. L’interfatscha dad Opera na sa lascha betg persunalisar uschè fitg.
Cunquai che nus na stuain betg cuntentar acziunarias ed acziunaris, pudain nus ans focussar sin tia cuntentezza e dar la prioritad a tia sfera privata ed a tes basegns.
La midada è simpla
La midada a Firefox è simpla e svelta – importescha tes segnapaginas, tes pleds-clav, tia cronologia e tias preferenzas dad Opera cun in clic e ti es immediatamain pront per utilisar Firefox. Qua vegns ti a savair co utilisar il buttun dad import per far la midada.
